Responder ao comentário

A Federación Provincial de Mulleres Rurais de Ourense, levou a cabo dende o 6 de Outubro ata o 14 de Decembro un curso de "Monitor/a sociocultural", subvencionado pola Consellería de Traballo a través da Dirección Xeral de Formación e Colocación e polo Fondo Social Europeo.

A acción formativa forma parte dos antigos cursos do plan FIP, os cales agora pasan a denominarse: "accións formativas dirixidas prioritariamente aos traballadores e traballadoras desempregadas/os" (AFD). O obxectivo fundamental é mellorar a cualificación e a inserción laboral daquelas persoas que se atopen en situación de desemprego.

O curso de monitor foi impartido polas mañás no local onde se ubica a sede de Femuro en Verín. A duración do curso foi de 330 horas teórico-prácticas, onde se traballaron contidos relativos ás diferentes fases da intervención sociocumunitaria.

Ademáis impartíronse os módulos de Creación de empresas e formación en igualdade, de carácter transversal. Remataron con éxito a formación 13 alumnos/as que recibiron un diploma oficial homologado.