RSS

Ocio y Cultura

01 Abril 2014

FRAGA DAS SAÍMAS ASISTE AO PROGRAMA LUAR 3  

MEDIO CENTO DE SOCIAS E AMIGOS DO COLECTIVO “FRAGA DAS SAÍMAS” ACUDIRON AO PROGRAMA DA TVG “LUAR”
 
O colectivo de Mulleres Fraga das Saímas desprazouse este venres ata o plató 100 da TVG, situado en Teo, para participar como público no programa de Luar.
Durante as catro horas de duración do programa as máis de 45 socias, veciños e amigos do colectivo feminino de Santo André de Boimente festexaron o seu particular entroido no Luar onde a festa, a ledicia e a diversión non faltou en ningún momento da noite. Os asistentes disfrutaron con entusiasmo a experiencia de seren eles tamén parte protagonista dun programa televisivo, quedando moi sorprendidos de todo o traballo preparatorio e da labor dos técnicos para a montaxe e a emisión dun programa de variedades como Luar.
Os participantes desta experiencia televisiva bailaron ao ritmo das cancións de Lolita Flores e o grupo Garibaldi, entre outros, e gozaron da música tradicional galega coa Banda de Música de Calo e a agrupación Folclórica Algueirada e do Coro tradicional Cantares do Brión. Tampouco lles faltou o humor do Dr. Bellino e o Sr. Lisardo e do seu paisano de Xove, Roberto Vilar e tamén tiveron ocasión de presenciar o desempate entre os concursantes de Vai de Gaita e os de Tempo de Recantos.
Os cansados pero felices participantes de Luar foron despedidos pola Directiva Fraga das Saímas a súa chegada a Viveiro, pasadas as 4.00 da madrugada, emprazándoos para o Sábado, 8 de marzo no Centro Socio-Cultural de Santo André de Boimente a partir das 17.00 horas para celebrar o Día da Muller Traballadora, durante a cal está prevista unha Maratón de Tute e Brisca e a proxección da película Pan y Rosas.


 

21 Marzo 2014

EXCURSIÓN A SALAMANCA +  

13 Marzo 2014

CENA ANUAL TEMPO GAÑADO. 1  

04 Marzo 2014

Viaje a Pazo da Oca 4  

27 Enero 2014

PLANO DE ACTUACIÓNS APROBADA POLA ASEMBLEA DE FRAGA DAS SAÍMAS PARA O 2014 3  

PLAN DE ACTUACIÓNS A DESENVOLVER NO 2014 POLO COLECTIVO "FRAGA DAS SAÍMAS"

 
A Asemblea Xeral das mulleres do colectivo “Fraga das Saímas” acorda, entre outras iniciativas, poñer en marcha o Programa SPAbílate Muller, a montaxe dunha Mostra de Patrimonio Etnográfico Material,  a exposición itinerante imaxesRAPAcandaoso2013 e a Maratón NÓSxogamos. Tres proxectos que apostan pola saúde das mulleres, a conservación do Patrimonio, o turismo de natureza e o fomento da participación veciñal a través da creación de espazos lúcidos.
 
AS SOCIAS DO COLECTIVO “FRAGA DAS SAÍMAS” APROBAN POR UNANIMIDADE NA SÚA ASEMBLEA XERAL ANUAL O PROGRAMA DE ACTIVIDADES 2014 E DAN O SEU VISTO BO AO INFORME DE XESTIÓN E AO ESTADO DE CONTAS DO ANO 2013 DA ENTIDADE.


A asociación de mulleres rurais “Fraga das Saímas” ven de celebrar a súa asemblea xeral anual a tarde do sábado, 25  de xaneiro, no seu Centro Socio-Cultural de Santo André de Boimente.

 

Nesta reunión, tras dar conta a secretaria da asociación do estado de ingresos e gastos do ano 2013, as socias aprobaron por unanimidade as contas do exercicio 2013 así como o seu Programa de Actuacións e Investimentos a  desenvolver ao longo deste ano 2014.

O Programa de Actividades da asociación Fraga das Saímas para o 2014, cuxo orzamento ascende a 25.420 euros, desenvolverase dentro de cinco liñas de traballo principais:
- Área de Formación/información, destacando dentro desta área a organización da 2ª edición das Xornadas Micolóxicas nos Montes do Buio e do Curso de Informática e Internet.
 
- Actividades Socio-culturais de integración, dentro das cales se aprobaron, entre outras, a exposición itinerante ImaxesRAPAcandaoso2013, como parte da campaña de sensibilización do Medio Natural e aposta polo Rural galego e o turismo de natureza. Así como a posta en marcha do Programa SPAbílate Muller, a través do cal as socias e convidadas da asociación poderán participar durante dous meses nun circuíto termal no Thalasso Cantábrico.
 
- Actuacións para preservar o noso patrimonio Material e Inmaterial. Nesta área de traballo continuarase   a desenvolver o proxecto Raíces Vivas e porase en marcha a montaxe da infraestrutura que acollerá unha Mostra do Patrimonio Etnográfico da zona.
 
- Actividades Lúdico-culturais (Cultura e divertimento). Dentro deste área, entre outras moitas actuacións, aprobouse a organización dunha Maratón de xogos de Mesa (programa NÓSxogamos) e a participación no programa LUAR da TVG, onde as sócias, amigas e veciños de Viveiro poderán asistir como público o 28 de febreiro ao famoso programa da TVG.
 
- Área de fomento do coñecemento do patrimonio natural, histórico e artístico de Galicia-Cantabria. Dentro desta área de traballo Fraga das Saímas organizará unha viaxe de fin de semana a Cantabria o 7 e 8 de xuño e desenvolverá o programa Turisteando por terras lucenses (de Samos á Cidade das Murallas, Patrimonio da Humanidade) no mes de setembro.
 
Unha vez rematada a asemblea as asistentes participaron nunha nova modalidade de xogo de mesa  impulsado pola Directiva, onde non se coñecerá a gañadora  antes de rematar o mes de febreiro.

27 Enero 2014

ANIVERSARIO DA NOSA SOCIA DE HONOR +  

104 ANIVERSARIO DA NOSA SOCIA DE HONOR, XULIA VIDAL BALSEIRO

 
DONA XULIA VIDAL BALSEIRO, SOCIA DE HONOR DA ASOCIACIÓN DE MULLERES RURAIS “FRAGA DAS SAÍMAS, CELEBROU OS SEUS 104 ANOS ACOMPAÑADA DAS SÚAS BIZNETAS, NETOS E NORA NA SÚA CASA DOS LEÁS.
 
O colectivo “Fraga das Saímas” e todas as súas socias espertaron este martes 7 xaneiro coa boa nova do 104 aniversario da súa veciña e socia de honor, Dona Xulia Vidal. Cumpreanos que celebrou o día de Reis na súa casa dos Leás acompañada polos seus familiares máis cercanos e queridos (as súas biznetas Lorena e Yanira, a súa neta política Merche, o seu neto Luis e a súa nora Marisa).
 
Autora da fotocomposición: Lorena Díaz, bizneta de Xulia Vidal
A nosa centenaria dona Xulia, traballadora infatigable, sempre demostrou unha grande fortaleza e valor ao longo da súa vida, loitando día a día polos seus seres máis queridos e mantendo ese profundo sentimento de amor pola terra. Unha muller digna de ser admirada e todo un exemplo a seguir polas novas xeracións de galegas e galegos.
 
Mulleres coma Dona Xulia son as que poñen en valor o papel que desempeñaron as nosas labregas a través da súa entrega ao traballo no campo e a loita pola súa propia existencia e dignidade.
 
As mulleres do colectivo Fraga das Saímas, desde a nosa máis profunda admiración e cariño, desexámoslle a Dona Xulia todo o o mellor neste día e felicitamos a súa familia por continuar disfrutando do seu máis prezado regalo.
 
 
FELICIDADES, DONA XULIA!

27 Enero 2014

FESTIVAL DE NADAL 2013 "FRAGA DAS SAÍMAS" 2  

FRAGA DAS SAÍMAS CELEBRA O SEU 6º FESTIVAL DE NADAL

 
As cestas de nadal valoradas en máis de 200 € e sorteadas na Festa navideña que clausurou as actividades organizadas ao longo do 2013 polo colectivo de mulleres “Fraga das Saímas” foron parar ás mans de Natalia e Dolores, socias do colectivo feminino, e as de convidada Eva e os veciños Brais e Pepe de Chao.
O FESTIVAL DE NADAL “FRAGA DAS SAÍMAS” PUXO O BROCHE DE OURO ÁS ACTIVIDADES DO 2013 ORGANIZADAS POR ESTE COLECTIVO COA ACTUACIÓN ESTELAR DA CANTAUTORA RIBADENSE CARMEN RODRÍGUEZ NO SEU CONCERTO ESPECIAL DE NADAL.
 
O sábado 20 de decembro o Centro Socio-Cultural de San Andrés de Boimente abriu as súas portas, un ano máis, para celebrar a 6ª edición do Festival Fraga das Saímas, organizado polo colectivo de mulleres de Santo André de Boimente.
 Esta cita de “obrigado cumprimento”, á que acudiron uns noventa invitados, entre socias, familiares, amigos e veciños da parroquia, deu comezo ás 19.30 horas co concerto especial de Nadal ofrecido pola xovencísima cantautora ribadense Carmen Rodríguez Rodríguez que durante a súa actuación estelar interpretou, entre outros, temas propios como “O mundo a medias”, temas de Guns and Roses como “Sweet Child O´Mine” e temas de Sés como “Co xenio destrozado”, cos que logrou encadilar ao público asistente que gozaron da súa música e da súa privilexiada voz ao longo de perto dunha hora de concerto.
 
A Presidenta do colectivo feminino, Flor Chao, que fixo de mestra de cerimonias desta celebración de clausura das actividades 2013 da asociación Fraga das Saímas dixo de Carmen durante o seu discurso de benvida e presentación que “estamos convencidas que esta ribadense de extraordinaria voz, grande sensibilidade musical e un profundo amor e admiración pola nosa música e lingua soará en pouco tempo con gran forza no novo panorama musical e podemos asegurar que co seu traballo e esforzo constante será quen de facerse un oco entre as grandes voces musicais galegas”.
 

 Logo do exitoso concerto, os  convidados disfrutaron dunha cea de confraternidade servida polo restaurante O Val do Naseiro, onde os comensales deron boa conta de entremeses, rape en salsa verde e dos típicos postres navideños. Ao remate destes a Directiva “Fraga das Saímas”, axudadas polas nenas e nenos presentes na festa e as  socias máis veteranas procederon a sortear 3 fermosas Cestas navideñas e 4 agasallos de consolación.


As gañadoras/os das cestas foron as socias do colectivo Fraga das Saímas: Dolores, Eva, Natalia, Carmen, unha convidada da asociación: Eva e os veciños Pepe de Chao e Brais.
 
Esta festa navideña prolongouse ata as 2.30 h. da madrugada, onde os máis festexeiros remataron a velada bailando ao son da música do Dúo Suso que co seu bo facer musical fomentaron o entusiasmo e a alegría do público.

27 Noviembre 2013

VI FESTA DO MAGOSTO. TOMA CASTAÑAS! +  

O actor e cómico Pedro Brandariz alegrou a noite coa súa actuación “P.G.U. un espéctaculo para grandes persoas” aos máis de oitenta magosteiros da Fraga das Saímas.
 
CALUROSA ACOLLIDA DOS ASISTENTES Á VIª FESTA DO MAGOSTO DA FRAGA DAS SAÍMAS AOS GAÑADORES DO CONCURSO DE FOTOGRAFÍA imaxesRAPAcandoaso2013 DURANTE OS ACTOS DE ENTREGA DE DIPLOMAS E A INAUGURACIÓN DA EXPOSICIÓN FOTOGRÁFICA
 
 
Para ler a noticia completa pinchar no seguinte enlace:
 

08 Noviembre 2013

Fiesta del magosto 2013 +  

 

ASOCIACIÓN DE MM.RR. DE SALVATERRA DE MIÑO

 

TEMPO GAÑADO


  A TODAS LAS SOCIAS
 

El SÁBADO 23 DE NOVIEMBRE SE CELEBRARÁ LA

                     5ª FIESTA DEL MAGOSTO

            LUGAR:  CENTRO CULTURAL DE LEIRADO.

            HORA:  A PARTIR DE LAS 5 DE LA TARDE.

            SE DISFRUTARÁ DE:  CASTAÑAS ASADAS.
                                                  CHOCOLATE CALIENTE.
                                                  ROSCAS.
                                                  VINO - REFRESCOS - AGUA
                                         
       TODO ELLO AMENIZADO POR EL GRUPO MUSICAL ALAMEDA

 

       GRATUITO PARA TODAS LAS SOCIAS

       Fecha límite para apuntarse el 15 de Noviembre (viernes)
       Tfs: vuestra vocal (en las circulares de los cursos de este año)
       o llamando al tf 656 36 32 53. (Victoria)

       Colaboran:  Concello de Salvaterra de Miño y La Caixa.

 

 

16 Septiembre 2013

FALLO DO CONCURSO DE FOTOGRAFÍA "imaxesRAPAcandaoso2013" 2  

A OBRA A LOITA”, DO SARRIANO JOSÉ  REGUEIRO  GARCÍA,  FOI A GAÑADORA INDISCUTIBLE DO PRIMEIRO PREMIO DO CONCURSO DE FOTOGRAFÍA “imaxesRAPAcandaoso2013”, ORGANIZADO POLA ASOCIACIÓN DE MULLERES RURAIS “FRAGA DAS SAÍMAS”
 
O xurado do Concurso de Fotografía “imaxesRAPAcandaoso2013” que o colectivo de mulleres “Fraga das Saímas” convocara con motivo da celebración da “45ª Edición  Rapa das Bestas do Curro do Candaoso” , reuníuse no Centro Socio-Cultural De Santo André de Boimente este sábado para valorar os 22 traballos presentados por 11 fotógrafos/as que se atreveron a plasmar coas súas cámaras, a través da súa creatividade,  a beleza e os valores culturais, etnográficos e paisaxísticos que se desprenderon na celebración desta festa ancestral de maior arraigo do concello de Viveiro.
 
O xurado calificador estivo composto polas seguintes persoas:
- Flor Chao, Presidenta do colectivo Fraga das Saímas
- Óliver, profesional da Fotografía e propietario da empresa Foto Óliver, empresa con máis de 30 anos de experiencia no sector da Fotografia Profesional e de Aficionado.
- Josefina Casas, propietaria de tenda especializada en material de belas artes (CATÁ)

- David Rodriguez Casas, artista viveirense, graduado en Belas Artes e autor de numerosas obras premiadas en diferentes certames de Artes Plásticas e concursos fotográficos e de pintura.

 
- Xuxa e Adelina, vogais do colectivo Fraga das Saímas
Actuou como secretaria do xurado, con voz pero sen voto, Gloria R. LL.  secretaria da
Asociación de Mulleres Rurais Fraga das Saímas.
Dos 22 traballos, o xurado acordou descalificar dúas obras por non adecuarse ás bases do concurso e logo do estudo das restantes obras o xurado preseleccionou os 15 mellores traballos presentados ao concurso, co obxecto de que formen parte dunha exposición temporal, que poderá ser visitada no Centro Socio-Cultural de Santo André de Boimente.
 
O xurado calificador, logo de rematado o proceso de preselección, procedeu a seleccionar  as obras finalistas e  as gañadoras do concurso, e que despois de máis de hora e media reunidos acordaron por unanimidade fallar o:
 
PRIMEIRO PREMIO.-  consistente en 250 € en metálico a JOSÉ REGUEIRO GARCÍA (Sarria), pola obra titulada “A Loita”.
 
“A Loita” logrou alzarse con este primeiro premio pola súa forza, expresividade e a plasmación da tensión do momento da loita entre o home e o animal que logra  atrapar de xeito imediato ao espectador. O autor consegue captar nunha soa instantánea os elementos esenciais desta festa ancestral cunha creatividade e orixinalidade inusual e que o  xurado valorou moi positivamente, sen olvidarse da gran calidade técnico-artística da obra.
 
SEGUNDO PREMIO.-  consistente en 120 € en metálico a JOSÉ LÓPEZ PÉREZ (Santiago de Compostela), pola serie fotográfica titulada “Rapa e Marcaxe 1_2_3_4”.
 
TERCEIRO PREMIO.-  consistente en 100 € en metálico a MARÍA ÁNGELES LAGO ÁLVAREZ (Asturias), pola serie fotográfica titulada “Y al final, todo es calma...”.
 
O xurado destacou destas dúas obras a  súa creatividade e calidade na execución, que fan visible a beleza e os valores culturais, etnográficos e paisaxísticos (que conforma a paraxe natural dos Montes do Buio e a Fraga das
Saímas)  que se desprenden durante a celebración desta festa tradicional e que incita aos viaxeiros/as a descobrir esta contorna natural e a gozar desta festa tradicional. Os autores destas obras lograron convencer ao xurado para facerse co 2º e 3º premio empregando a conxunción necesaria de tres elementos fundamentais: a súa creatividade e orixinalidade, a súa harmonía na composición das series e a súa calidade técnico-artística.
 
Os autores das obras fotográficas que gañaron os accésits dotados con 30 € cada un son:
1º Finalista: Francisco López López coa obra titulada “ Colección de selas”
2º Finalista: Germán Paleo Navarro, coa obra titulada “ Medíndose”
 
A entrega de diplomas, aos cinco gañadores deste certame fotográfico, xunto coa inauguración da exposición temporal dos 15 mellores traballos fotográficos, realizarase nun acto público no Centro Socio-Cultural de Santo André de Boimente e cuxa data está pendente de concretar por parte do colectivo Fraga das Saímas pero que será comunicada coa suficiente antelación ás persoas premiadas, sócias, veciños e medios de comunicación.
 
A Directiva da AMMRR “Fraga das Saímas” quere expresar publicamente o seu agradecimento pola súa colaboración a todas aquelas institucións públicas,  medios de comunicación e asociacións que colaboraron na divulgación desta ilusionante iniciativa e dun xeito especial a todas aquelas persoas que participaron  neste certame fotográfico, así como ao profesional da fotografía  Oliver,  a Josefina Casas  (CATÁ) e ao artista David Rodríguez, que de forma desinteresada aceptaron formar parte do Xurado Calificador e que sen a súa axuda a resolución deste concurso non sería o mesmo.

25 Julio 2013

XUNTANZA A FISTERRA, CE, Y EZARO +  

 El Domingo día 7 de julio tempo gañado celebro su xuntanza fué todo un exito. Fueron 110 socia y nos lo pasamos muy bien.Hizo mucho calor.

14 Junio 2013

FIN DE SEMANA EN VIANA DO CASTELO- RÍAS BAIXAS 2  

VIANA DO CASTELO E AS RÍAS BAIXAS FORON ELEXIDAS POLO COLECTIVO “FRAGA DAS SAÍMAS” COMO DESTINO TURÍSTICO PARA DISFRUTAR DUNHA FIN DE SEMANA DE OCIO E TEMPO LIBRE.

 A asociación de mulleres rurais “Fraga das Saímas” ven de organizar esta fin de semana unha viaxe a terras portuguesas e as Rías Baixas. Unha das múltiples actividades socio-culturais programadas para o 1º semestre do ano 2013 polo colectivo de mulleres de Santo André de Boimente.

O grupo de viaxeiros do colectivo “Fraga das Saímas”, formado por máis de corenta socias, veciñas e amigos, viaxou con Viajes Lucus durante catro horas ata chegar a Vila Nova de Cerveira, onde fixeron a súa primeira parada para repoñer forzas cun xantar típico portugués. Logo deste descanso visitaron o Castelo de Vila Nova de Cerveira, construído sobre outro derruído no século XV,  pasearon á beira do Minho e “perdéronse” no famoso mercadillo desta tranquila cidade, un dos maiores de toda a península. Xa a tardiña continuaron a ruta ata o alto do monte de Santa Luzia para admirar a beleza da súa famosa Basílica construída a comezos do século XX copiada do Sacré Couer de Montmartre en París. Mais, a pesares de subiren á cúpula da Basílica, a densa néboa impedíulle ao grupo de viaxeiras/os poder gozar da extraordinaria vista  que un día despexado,  desde ali, se pode observar sobre o estuario do río Lima, a cidade e o mar.

        

Á noite as viaxeiras e viaxeiros achegáronse á Quinta de Santoinho para cear neste famoso e turístico  restaurante rexional, xunto a outras 1500 persoas, onde foron agasallados cunha sesión de folclore minhoto, unha demostración da malhada, marchas, música para bailar e onde ademais de cear, bailar e divertirse puideron tamén gozar da exposición permanente dunha variada colección de alfaias e utensilios do campo, de tanques, lagares, pías e figuras en granito, de espigueiros origixinarios, dunha adega rexional, de antigas viaturas de transporte, carros de bois e de cabalos, así como de autocarros, automóviles, ou unha locomotora do século XIX, entre outros elementos etnográficos.

O domingo as viaxeiras/os  amenceron nas Rías Baixas, onde visitaron durante a mañá  Sanxenxo, as súas praias e achegáronse ata o seu principal núcleo urbano, a vila mariñeira  de Portonovo, para pasear polas súas rúas, visitar a súa lonxa, a Capela de Santa Catalina e o seu mirador.

Esta fin de semana de ocio e tempo libre clausurárona cunha mariscada, queimada e baile no hotel Galicia Sun.

NOTA Se queredes ver ou descargar máis fotos podedes ir ao Album de fotos de Viajes Lucus

 

05 Junio 2013

Xuntanza Anual de "Tempo Gañado" +  

Un ano mais a Asociacion Mulleres Rurais de Salvaterra de Miño "Tempo Gañado", ven celebrar a sua Xuntanza anual de socias.

Este ano farémola no dia 7 de xullo e visitaremos as localidades de Cee, Ézaro e Fisterra, na Coruña.

Como é costume neste acontecimento, a Asociación paga o autobús e cada socia somente terá que pagar a comida.

As prazas son limitadas, e resteperase o orden de inscripcion, se non queres quedar sem a tua praza, fala con a tua vocal ou chama ao telefono  678 920 510.

 

Saúdos a tod@s dende a diretiva.

 

 

03 Junio 2013

CONCURSO FOTOGRAFÍA imaxesRAPAcandaoso2013 +  

A DIRECTIVA DE MULLERES "FRAGA DAS SAÍMAS" PON A ANDAR A ORGANIZACIÓN DO CONCURSO FOTOGRÁFICO  imaxesRAPAcandaoso-2013”  CO OBXECTO DE CONTRIBUÍR AO FOMENTO E Á PROMOCIÓN DA RAPA DAS BESTAS DO CURRO DO CANDAOSO QUE SE CELEBRARÁ O 1º DOMINGO DE XULLO DE 2013.

 

No marco da celebración,  na parroquia de Santo André de Boimente,  da súa XLV  edición da “Rapa das Bestas do Curro do Candaoso a Asociación de Mulleres Rurais “Fraga das Saímas” convoca o Concurso de Fotografía baixo o lema imaxesRAPAcandaoso-2013”.

Con esta iniciativa preténdese contribuír ao fomento e á promoción da Rapa das Bestas do Curro do Candaoso, na parroquia de Santo André de Boimente. Unha das festas de interese turístico  máis ancestrais e de maior arraigo do Concello de Viveiro que celebrará a súa XLV edición, como é costume,  o primeiro domingo do mes de xullo de 2013.

Desde a asociación Fraga das Saímas inténtase  poñer en valor o patrimonio paisaxístico que conforma a paraxe  natural da Fraga das Saímas e os Montes do Buio como fonte de riqueza ambiental, cultural e turística promovendo unha cultura de ocio saudable a través de iniciativas coma a organización deste certame fotográfico

Se queres ver a programación da 44ª edición da Rapa das Bestas do curro do Candaoso-2012 podes picar neste enlace:

Rapa das Bestas 2012

A continuación e de xeito resumido detallamos algúns dos principais aspectos das bases da convocatoria do concurso imaxesRAPAcandaoso-2013”:

BASES

 

TEMA

A temática  única do concurso  é o reflexo máis completo e descritivo posible da celebración da Rapa das Bestas do Curro do Candaoso-2013 e cuxo lema leva por título imaxesRAPAcandaoso-2013”. As organizadoras deste certame deixan total liberdade para que cada participante exprese a súa creatividade  e amose, a través desta, a beleza e os valores culturais, etnográficos e paisaxísticos que se desprenden durante a celebración desta festa tradicional, ao obxecto de incitar aos potenciais viaxeiros a descubrir lugares con encanto na Mariña Lucense como son os Montes do Buio ou a Fraga das Saímas .

As fotografías téñense que realizar en xullo, durante a celebración da XLV edición da Rapa das bestas do Curro do Candaoso (Montes do Buio). Parroquia de Sto André de Boimente (Viveiro).

 

PARTICIPANTES

Este concurso vai dirixido a todas aquelas persoas maiores de 18 anos afeccionadas ou profesionais da fotografía e amantes da natureza.

 

OBRA

As fotografías presentadas ao concurso deberán ser orixinais, inéditas (que non foron expostas en público con anterioridade á data de presentación, nin publicadas en catálogos, revistas ou calquera outro medio xa sexa gráfico, audiovisual ou interactivo), que non foran premiadas con anterioridade e de propiedade do/a autor/a. Non se poderán ter explotado comercialmente, xa sexa con fins xornalísticos, publicitarios ou calquera outro.

NÚMERO DE OBRAS

Cada participante poderá presentar un máximo de DÚAS fotografías ou DÚAS series fotográficas. As fotografías só poderán ser presentadas polos seus propios autores.

FORMATO E TÉCNICA

Formato e tamaño: TIFF ou JPEG en calidade máxima. Tamaño mínimo de 600 píxeles de lado maior.

As fotografías poderán presentarse en cor, branco e negro e en todas as súas técnicas, incluso dixital.

As fotografías poderán ser individuais ou compor unha serie máximo de 4 imaxes. Podendo ser estas do mesmo momento e temática ou de momentos e actividades distintas (subida ao monte, xunta das bestas, loita de garañóns, rapa e solta cara o monte, descanso das bestas, xantar dos romeiros, carreiras de cabalos, etc.)

Os traballos poderán presentarse por  correo postal ou correo electrónico e sempre atendendo aos requisitos  establecidos  nas claúsulas 3 e 4 das bases do concurso.

 

PRESENTACIÓN

A presentación da obra  por correo postal farase ao domicilio social da Asociación Fraga das Saímas e enviarase en dous formatos:

- Impresa en papel fotográfico (mínimo de 18x24 cm. e o máximo de 30x40 cm.)

- Gravada nun CD, en formato dixital (preferentemente .TIF ou no seu caso .JPG), cun mínimo de tamaño de 600 píxeles de lado  maior.

 

2)    A presentación por correo electrónico farase enviando  cada traballo fotográfico  por separado á seguinte dirección fragadassaimas@gmail.com

 

 

PREMIOS E EXPOSICIÓN

PREMIOS

Primeiro premio dotado con 250 euros en metálico

Segundo premio dotado con 120 euros en metálico

Terceiro premio dotado con 100 euros en metálico

Dous accésits dotados cada un con 30 euros en metálico ás dúas fotografías/ou serie fotográfica non premiadas anteriormente.

 

EXPOSICIÓN DAS OBRAS SELECCIONADAS

Unha vez outorgados os premios levarase a cabo una exposición  no Centro Socio-Cultural de Santo André de Boimente das obras gañadoras xunto coas fotografías finalistas seleccionadas polo xurado do concurso.

 

ENTREGA DE PREMIOS

A entrega de premios poderase efectuar  nun acto público na data que determine o colectivo Fraga das Saímas e que será comunicada con suficiente antelación ás persoas premiadas. Os autores dos traballos premiados deberán estar presentes neste acto ou no seu defecto deberá acudir un representante debidamente autorizado.

 

PRAZO PARA ENTREGAR OS TRABALLOS FOTOGRÁFICOS

A data límite para a recepción dos traballos será o 31 de AGOSTO de 2013.

 

ACEPTACIÓN

A presentación das fotografías ao concurso implica a aceptación de todas e cada unha das presentes BASES E CONDICIÓNS e da decisión inapelable do xurado.

 

Para obter máis información podes descargar as bases do concurso na seguinte dirección http://mulleresfragadassaimas.blogspot.com (na carpeta de  documentos), solicitalas ao correo electrónico fragadassaimas@gmail.com ou ben  poñerte en contacto coa entidade organizadora. Teléfonos 669 250 948 (Flor) ou 610 00 77 46 (Gloria)

 

 

03 Junio 2013

INAUGURACIÓN BIBLIOTECA VECIÑAL NA FESTA DAS LETRAS GALEGAS DO COLECTIVO FRAGA DAS SAÍMAS +  

O COLECTIVO DE MULLERES "FRAGA DAS SAÍMAS" INAUGUROU ESTA FIN DE SEMANA, NO MARCO DA CELEBRACIÓN DA FESTA DAS LETRAS GALEGAS 2013,  A SÚA  BIBLIOTECA VECIÑAL

  

O colectivo de mulleres Fraga das Saímas ven de celebrar na compaña de medio cento de socias e convidados  o Día das Letras Galegas 2013.

            

Os actos comezaron ás 18.00 h coa intervención de Flor Chao, Presidenta da asociación Fraga das Saímas, que exerceu de  mestra de ceremonias da nova Biblioteca veciñal por desexo expreso da súa  Directiva e a cal quixo  que fora a  celebración do Día das Letras Galegas-2013  a data  na que se abriran as portas da Biblioteca Fraga das Saímas por ser o  marco ideal para a súa presentación oficial , según palabras da propia presidenta. Durante a súa intervención, Flor Chao  convidou ás súas socias e veciños de San Andrés de Boimente a facer uso deste novo espazo cultural e animou aos veciños do concello de Viveiro  a facerse socios da recén estreada Biblioteca veciñal.

                                                          

Coa posta en marcha desta Biblioteca veciñal, grazas ás doazóns de fondos bibliográficos da Fundación Pedro Barrié de La Maza, a Fundación Sotavento e as socias Elsa, Flor e Gloria, o colectivo Fraga das Saímas quixo sumarse na defensa do acceso ao coñecemento e á información en igualdade de condicións para todas e todos, na defensa do fortalecemento do hábito lector e na defensa do coñecemento da literatura e o patrimonio cultural.

Logo da inauguración, onde a Directiva agasallou ao medio cento de asistentes cunhas libretas conmemorativas, o grupo de teatro aficionado de Fazouro “A Adala” representou a comedia “Enredos” onde o público non foi quen de parar de rir ata o remate desta peza teatral de Francisco Piñeiro.

 

 

 

 

 

Síguenos en...

 Follow RuraisLAB on Twitter   

Inicio de sesión

RuraisLAB

Mulleres Rurais e desenvolvemento rural

RuraisLAB es un laboratorio ciudadano para la innovación social en el medio rural, basado en las necesidades e inquietudes de la mujer.

 

 

 

 

Mulleres Rurais e desenvolvemento rural

Mujer Rural

Mujer Rural y Desarrollo Rural

Agenda Digital Europea 20202

Agenda Digital Europea